屈原的故事(劇本)

編劇：練偉華、蘇詩雅。

劇本語文：香港式廣州話

第一幕(楚國宮殿)

(楚王坐在中央，宮女、士衞兩邊站，眾大臣站堂前)

旁白：屈原係「戰國時代」楚國人。佢出身貴族，做過大官，主張改革，佢唔願意同小人同流合污，經常俾人排擠。但係佢依然好愛國。

楚王：現今我地國家0係政治、經濟同埋軍事方面都落後過北方0既國家，連寡人0既荷包都空空如也，你地話點好呢！

屈原：(側身站，手拿象芴) 大王，要國家富強，同秦國抗衡，就要實施法律改革，仲要同其他諸侯國尤其係齊國結成聯盟lar！

楚王：好，就由你去做啦！

屈原：(彎腰)謝大王。

(眾朝臣退去，剩下兩奸臣)

第二幕(在楚國宮殿外)

 (宮女放下扇子並蹲下，士衞站前，檔著楚王，象徵在宮殿外)

奸臣：(面向台前，不滿的樣子)屈原搞法律改革，實會損害我地貴族既利益架喎。

靳尚：(自言自語) 哼！巴閉lar, 巴閉 lar，睇佢叻得幾耐！等我地諗條計仔害佢先！

第三幕(在楚王宮殿內)

(宮女站起來，士衞站兩邊，楚王居中，象徵在宮殿內)

靳尚：(則身站，手拿象芴，奸人樣子) 大王呀大王，你知唔知道屈原泄露國家機密呀！

楚王：係？

奸臣：(側身站，手拿象芴)係呀，大王，屈原仲話大王你冇鬼用，楚國冇左佢就唔得添呀！

楚王：(大怒) 哼！屈原你太過份勒！

第四幕(在楚王宮殿內和外)

(楚王坐在中央, 宮女、士衞兩邊站，大臣站堂前)

旁白：屈原因為主張改革，得罪好多人，但佢又唔肯同流合污，結果經常俾人排擠。楚國亦都唔再改革lar.。之後，秦國收買左楚王身邊既小人，要楚國取消同齊國0既結盟，改同秦國結盟。

屈原：大王，秦國0既野心好大，信唔過架，千祈唔可以取消同齊國既結盟呀！

楚王：(動怒)屈原，我係大王定係你係大王呀！你都係番去耕田啦！有咁遠行咁遠呀！

(宮女放下扇子並蹲下，士衞站前，檔著楚王，象徵在宮殿外)

屈原：(極度失望和傷心，高舉雙手)天呀！(跪倒地上)我咁忠心，大王你居然唔信我，我唯有走啦！

第五幕(咸陽囚室)

(秦國獄卒手拿著槍兩邊站)

旁白：當楚國取消左同齊國既結盟之後，秦國多次攻打楚國，楚國都唔夠打。之後，秦國引誘左楚王去秦國會盟，結果楚王被秦國囚禁左。

楚王：(在囚室，座在地上，自怨自艾)都係寡人(自已)唔好，信錯小人，早知都聽屈原講啦！(打自己心口)

旁白：三年之後楚王死0係秦國。(楚王慢慢倒下，象徵死去了。)

第六幕(戰場)

(兩邊有佈景板象徵兩坐山。兩邊高舉旗幟，兩軍對陣)

(兩國將軍或主帥站近台前，兩軍相對站著，等旁白講完)

旁白：秦國繼續侵略楚國。

楚國將軍：你受死啦！

秦國主帥：放馬過來吧…..

(鼓聲，叫喊聲，衝殺聲，凡有對白，演員站近台前)

兩國軍士：衝呀….殺呀…

(兩軍混戰十五秒，楚軍節節敗退)

(士兵倒下，楚軍旗倒下一支，有對白期間鼓聲收細)

楚軍士：(單膝跪)報告將軍，我軍傷亡慘重呀！

楚將軍：(激動大叫)死守。(其他士兵起來再戰)

兩國軍士：(第二倫戰鬥) 殺呀…. 衝呀…

(兩軍格鬥十五秒…楚軍節節敗退)

(楚軍士倒下來楚將軍亦倒下來，楚軍旗全部倒下。)

(有對白期間鼓聲收細)

秦軍士：(單膝跪) 報告主帥，我軍已經攻破楚國郢都。

秦主帥：好。做得好，我地秦國大獲全勝lar，哈哈哈！(仍站台前)

第七幕(汩羅江邊)

旁白：自此之後，楚國元氣大傷，幾乎亡國。屈原非常之傷心。

屈原：(在台前度步，自言自語，面朝天) 唉…楚國而家搞成咁…你話點算好呢？

老魚翁：(走近屈原) “椅”…乜你唔係三闔大夫咩？做乜搞成咁呀？

屈原：唉…呢個世界個個都唔清醒，得我一個清醒，所以咪俾大王放逐law。(極度無奈)

老魚翁：既然係咁，點解你唔同流合污呀？真係自己0羅0黎0既！

屈原：哼！我情願跳入江中餵魚，都唔願意同流合污呀！(極度悲憤) (抱石跳入江中)

旁白：屈原唔忍心見倒國家淪亡，終於自殺死左勒(聲線極度傷心)。

------------------------------------------------------------------------------

第八幕(長江邊)

百姓甲：屈原實在太愛國啦…不如我地包D粽俾佢食咯…

眾平民：(眾和議) 好呀….一於咁啦！

百姓乙：我地仲要扒龍舟，嚇走水怪添呀！

眾平民：好呀！

(平民百姓走後，拿著粽子再出場)

 (平民百姓將粽子掉入江中)

旁白：人們為左紀念屈原既愛國精神，就0係每年0既端午節食粽同扒龍舟勒！

完

------------------------------------------------------------------------------

眾演員謝幕，平列台前，手握手，向觀眾躹躬。